美股好唔掂咩！？

近幾個星期，常傳美股要大調整，我真係覺得莫明奇妙，美國摩通仲懶擔心咁奇怪點解投資者對美股咁有信心。

真係扮晒野！

如果我可以直接質詢摩通既分析員，我真係想問，咁就當美國企業其實無咁掂，咁我想問，如果我放左d美股，d美金放喺邊？

全世界都因樓房大過剩出現大狀況，特別亞洲，隨時陷入超級大衰退，難道投資者咁偉大從美股套美元出嚟購買各地既房地產信託基金或直接買樓房拯救全世界？！

如果將美金拎去買比特幣得嘛？你唔係呀嘛，比特幣跌勢咁明顯，你仲椿個頭埋去？走都走唔切啦！

我唔係講美股唔會有調整，大趨勢下，環球各巿場也要向下調整，但就算美股跌，都係最輕微，反彈亦係最快最急，與其將美股賣出套現擺喺床下底，不如揸住，由佢跌跌升升。

只要美股唔係要跌三年，仲唔係跌到好深，同埋最緊要係夠力反彈，我就費時煩，keep 住算，買嚟買去心都亂埋，阻住我學科技！

前一排，華爾街d金融機構又吹NVIDIA 其實無咁值錢，人工智能被高估價值，又乜又物！NVIDIA 跟住係有跌既，但好快又升返，而且幾乎每股要破500元美金。

邊班散戶咁蠢，放貨比華爾街班人呢？睇住吖，呢班專業粉皮仲會繼續吹低NVIDIA ，因為佢地唔夠貨，要集貨！

參考文章 :

https://hk.finance.yahoo.com/news/%E6%91%A9%E6%A0%B9%E5%A4%A7%E9%80%9A-%E7%BE%8E%E5%9C%8B%E8%82%A1%E5%B8%82%E6%8A%95%E8%B3%87%E8%80%85%E7%9A%84%E8%87%AA%E6%BB%BF%E6%83%85%E7%B7%92%E4%BB%A4%E4%BA%BA%E6%86%82%E5%BF%83-100507848.html