都唔明蘋果手機仲有咩令人敬仰！

睇蘋果每年旗艦機既小修小補，我真覺呢個品牌一年爛過一年；真既，蘋果除左食老本就只有食本，老本就係佢既作業系統夠直覺夠易用，咁就比佢喺無左Steve Jobs 下稱霸手機市場十幾年，算Apple 走運。

今年既機身設計更加乏善可陳，框邊縮窄改下方角整下圓角就當交代，機身採用另一d物料就要敷衍上場。當然，我明白，你用開iPhone ，眼尾都唔會瞄下Android 機，但其他品牌的而且確好用心設計部機，即使大家係蘋果死忠粉絲，都不妨可以欣賞下其他品牌的設計，當開下眼界。

就好似舊年年底vivo 出嗰部X90 Pro ，背蓋鏡面亮帶的部份，創作靈感來自早晨太陽從地平線上升的美麗景象，以0.618黃金比例來劃分上方相機模組，有如旭日東昇意象，極有創意。靚唔靚見仁見智，但至少特別，有d主意，令人有d野諗；唔似Apple 只喺已有框架調大整細某部份就算。

設計簡約係好，而且要做到相應的極緻水平，絕對可以係作品，昔日Steve Jobs 就係咁；但過去幾年，蘋果無做過任何簡約設計既突破，只係守住老本，不敢冒險，成間公司好軟弱。

今年iPhone 15 pro 版，唯一令我上心既，係傳聞出我既lucky colour———紅色，如果真係，無辦法，死穴被點中，我投降，要買！