唔係吖嘛，你發展商跟二手價開賣？

將軍澳凱柏峰 III開賣，開出「死不悔減價」，全城驚奇訝然；合作發展的嘉華國際，其營業及市場策劃總監表示，是次項目售價貼住二手樓價去訂。

唔係吖嘛，賣價貼住二手樓價？信和嘉華佢地係咪想賣樓㗎！？定係純粹想幫誠哥一把，等佢去埋1期高層單位。

係人都知，而家d二手價格，無參考價值架bor! 尤其係發展商仲有海量貨要拎出嚟賣。

我喺youtube 已經申述過好多次，而家二手叫價係有價無市，偶爾一兩間心頭好交易係會有，而呢d零星落索的交易價格亦托起左過往半年中原指數；而真相係，你要急走單位，而家係要劈兩成先走到貨，咁你發展商係咪打算賣一兩個單位？六百個單位你居然敢定個咁既價！你想博d乜野運氣！

最離譜d開放式單位，呢種單位已經處於樓災中，而家比盡呢d單位我認為只值380萬，已經超盡，凱柏峰 III居然仲賣500個。大佬，如果我真要呢個級數，500個我搭地鐵過港島考慮下太古有份起既海盈山啦，儍既！

今時今日，6百幾個單位真係唔易甩，兼且裏面仲有開放式單位添，發展商想去貨，居然發神經唔肯減價，梗係想挑戰需求定律定啦！

凱柏峰 III，如果熱賣，神話由此而起。

而李嘉誠，就再唔係經營之神。