別忘記這因素，租值怎會升！

前文說到，樓市正在「回帶中」，「量縮」令資金撤離樓市，樓價上升已無寄望，甚至預期出現資本減值，而利率亦要攀升上6釐，兩個因素均令樓價跌。

計算現值的公式就只剩租值這變數，但我講過香港實體經濟轉差會逐漸浮現，租金始終要跌，都係對樓價不利。

但我前文亦指出，租金跌對樓價下降的影響並不太顯著，咁仲有乜野因素令樓價繼續鋤下去呢？

我教高考Econ 時曾強調過（當然，大家必定忘記了），現值只代表需求那方面既價值，別忘記還有「供應」面，這才是當下對樓價最大殺傷力的因素！

樓價大升，唔單只置業者心雄，發展商都係，佢地都狂要地狂起樓，呢個現象喺內地尤為顯著，簡直係「起樓」大躍進，你睇恆大就知，狂借錢狂起樓，借到負可敵國；香港發展商無咁癲，較理性，但未來三年每年都有兩萬個單位應市，而2018年樓市高峯期都係交易左15000個單位，咁點清呢？當然係透過減價去解決呢個嚴重既「樓房過剩」問題啦！所以，你見呢個計時炸彈，每隔一頭半個月，發展商就嚟引爆一次，先是新鴻基屯門盤，繼而恆基啓德盤，到而家長實油塘盤，一次一次咁引爆，樓價就一級一級咁跌落去，咁劈法，一兩年就鋤到零八海嘯水平。

咁多供應，你同我講，租金可高企？啫係每年有20000個新租客？內地嚟既？全部泥讀大學？香港每年d大學學位比曬內地年青人讀？佢地仲無宿舍住？

如果租務市場真係旺到咁，長實咁精，成幢親海駅轉放租！咁就唔駛劈價啦！

記唔記得最近華𢡟有個盤，一個單位都賣唔出，想放租！

D樓賣唔出，發展商就放租架啦，到時海量供應，租值仲升！？你睇下新鴻基北角海璇匯。

租金高企頂住樓價? 咪儍啦！