來著怎部署入手美股

美股最近在調整，又是集貨好時機；不過，我地先要先明白自己所集既股票，有乜特性，我粗略可分為兩類：

第一隻我叫「潛龍勿用」股，企業還在開發期，發展晦暗不明，正因如此，佢既價格波幅頗大，且升完可跌回原位，有點炒味；但長遠你係睇好佢既前景，所以唔怕坐貨。Joby Aviation 就係呢類，前一陣子Joby 股價跌，我在Telegram 群組曾說過若它股價反彈3%就入，𢓭來真彈了3%，我隨即入手，翌日就再升，接近10%，只欠0.18%左右，我說如果升足10%就放，將賺回來的錢來買部mac mini，可是上天就喜歡這樣播弄有心人，Joby 跟著只跌不升，現在已差不多跌光那一成價，返回我的買入價。

這種對升幅「走雞」，我經常出現，因為每當我定下投資規律，我就會死守，免得自己常心煩意燥，亂了陣腳就不好。通常最終會升返，部mac mini 我一定到手既。

呢種股票，通常我賺過三次就開始長揸。

另一種股票，我叫「飛龍在天」股，已認定它大有可為，潛力無限，我只會集貨，不賣！一來其價既波幅細，無心買嚟買去，二來驚買唔返，咁就恨錯難返了！NVIDIA 就屬呢類，你要佢跌翻到某個顯著原位，好難！最近佢既股價有調整，我認為可加注作長遠投資，隨時而家嗰價買唔翻。

至於有舊生問我入Apple 好嘛？呢類我叫「亢龍有悔」股，我唔會入手！佢既最光輝期已過，現步入中晚期，準備收皮；出埋部摺機，間公司都可以準備摺！我地炒埋佢明年部摺機算啦！