日本豪宅最終篇——農業用地就輕鬆了

另一邊廂，在東京也有人過著悠閒的豪宅生活。

小田急線沿線的某豪華住宅區，低層公寓林立，當穿過某宅大門時，眼前係一片被悉心打理嘅樹木，穿過樹林，豪宅終於出現在眼前，土地面積接近1000坪（約35,600呎），從大門根本看不到房子。

當被問及「你係咪因為要維護如此廣闊嘅土地而煩惱緊？」，「我哋完全冇問題喎！」這間屋嘅男主人笑了笑「人哋成日擔心，擁有咁大面積嘅土地納稅會很辛苦，但事實並非如此，我哋呢度被指定為生產綠地，所以土地嘅税收估值係以農業用地嚟計算，雖然身在東京，但我可以靠務農嚟維持生計」。

根據東京都稅務局，東京內任何地方的生產綠地估值為每平方米220日元（約每坪720日元），假設呢塊地係普通住宅用地的話，每坪的估值約為200萬日元，固定資產稅的金額相差接近3000倍。

「如果係生產綠地，即使喺繼承時也會以農業用地嚟作估價，當然務農係必須嘅條件，而最傷腦筋嘅就係會涉及到仔女嘅意願。如果啲仔女話唔想接管農場，咁呢塊地就會被當作住宅用地，需要繳交巨額嘅資產稅，好彩到目前為止，啲仔女表示願意接管農田」。

照咁睇，係咪每個喺東京嘅遼闊土地上經營農場都過住安逸嘅生活呢，那可不一定。 50多歲的和久井淳（化名）繼承了練馬區2000多坪（約71,000呎）的土地，經營著一家農園。

佢感嘆道「確實因為呢度係農地，所以先可以交好少稅，但對於我嚟講，農園賺唔到錢，其實同樣艱難。如果你認為我唔應該再做落去，咁我之後會被迫繳交大量稅金，農園沒有利潤，但我仍然要繼續耕種，所以我嘅生活並唔好過。正如你所見，我都只係揸國產車」。

和久井先生不想讓仔女有同樣的遭遇，所以他想過用部分土地建造公寓，但最後還是放棄了「這個地區嘅建築物覆蓋率相當低，開發商冇興趣，是一塊無利可圖，甚至可以話係無法開發嘅地區」。

「我哋呢片土地上有政府指定嘅保護林，但維護方面好麻煩，如果落葉落到範圍之外，鄰居就會投訴，所以要經常修剪和清理，需要花好多錢。人們常說擁有寬敞嘅屋，被大自然包圍係多麼美好嘅事，但冇人知道在這片廣闊的土地上生活嘅艱辛」。

這就是豪宅生活中令人驚訝的現實。