我不懂每日一股，每月每年一股更不懂！

世事就係咁，當我喺度睇緊日股既時候，就比我無心插柳發掘到隻我認為具潛力既美股: Joby Aviation，呢隻股重喺「嬰兒」期，處於「見龍在天」，而家佢所發展既「空中飛機」，正被軍事試用中，要過一段日子，才可以「民用」，到時就係爆升之日，我認為！

有位舊生，可能受到市面上所謂投資專家「每日一股」既影響，在telegram group咁講：

「Alex你仲有咩平又正科技股？」

我另一位舊生，是我九零年代的學生，人生經驗豐富，加上他在金融業工作，已比我更快回應：

「10年一次嘅神話，一次過搵咗幾隻出嚟，已經超額啦。」

Exactly! 他說出我的內心話，但我仍有幾點想補充：

1）首先我不是財經專家，我探討股市沒有包袱，不用急於找隻今早買，下午爆升既股票；我看股票、物業和比特幣，投資期極長，係以十年嚟計！

與其短炒獲利數千至多萬，何不長期賺取過百萬收益！

2）我看好一隻股票，多數仍可以在未來數月或一年，甚至三年可集貨，價錢低唔低我唔知，PE 高唔高我唔理，我只係睇佢盤生意前景，有秀麗發展空間我就揀；當然，我對呢間公司既前景睇法，大把人唔認同；儍既！全世界認同既話，我已經走左隻野好耐！

3）人生、人生、好多野要學懂平常心，你買左隻野，就放埋一邊唔好理，唔好日日望住，愈望愈唔升，重跌比你睇，吹咩！人生唯有在不經意時才有驚喜，就好似呢幾日我地留意同探討緊日股，比特幣就升了，而且想破頂！

4）正因為以上第三個特點，要令我地生命有驚喜，要有耐心同有序地集貨，否則升市時，兩手空空，就好閉翳！

財不入急門，是投資最重要的哲學。