日本人還grant loan還到要中年自殺

根據警察廳和厚生勞動省的最新總結，喺2022年自殺嘅人當中有10個人係因為「償還學生貸款困難」而自尋短見。呢10個人當中，有6名係20到30多歲男性，4名係10多歲到20多歲及40多歲女性。自去年開始，自殺動機的選項被細分化，由52個增加到75個，而「償還學生貸款困難」係其中一個新增的項目。

日本的「獎學金制度」個名雖然叫「獎學金」，但大多數係需要償還的貸款型（Loan)，而唔係資助型(Grant)。資助型獎學金係2020年4月先開始出現，而且申請條件苛刻。2021年度共有148萬人申請日本學生支援機構（JASSO）的獎學金，其中8成係貸款型。一般畢業後的還款期為12至20年，還款額可高達1000萬日元（約55萬港元）。

有被訪者認為這個「獎學金制度」係完全幫唔到那些貧困嘅學生。雖說經濟困難的話可申請押後或減額償還，但申請次數有上限，而且最終償還金額不變，只是延長還款期，根本無補於事。

18歲嘅高中生就要決定申唔申請獎學金，冇人會知道自己將來有冇能力還得起grant loan，但係喺現今社會唔讀大學嘅話就就業困難。考慮到未來人生仲有幾十年，好多人都會選擇冒呢個險。但事實上真係有人還唔起grant loan而申請破產，繼而連累埋做保証人嘅親人負債纍纍，最後迫到要全家破產。

試想一下，22歲大學一畢業就背負著幾十萬港元債務，每日返工就係為咗還債。當你還曬錢嘅時候已經係42歲人到中年，真係想躺平下都唔得！

日文報導：

https://news.yahoo.co.jp/articles/ce684f0edf872b10adccc5e6dda928c5977351c2?page=2