你唔係仲等星期一港股嘛！

昨天俄羅斯出現「異象」，我只驚訝竟如此快攻入首都，有點不相信一個曾是國際揚名的軍事大國，其體制竟如此脆弱……. 而投資群組內有些舊生，則好奇星期一股市會點呢？

我沒有回答，因為認為問題太out! Out 到我以為返到上世紀八九十年代。

行了telegram 群組一季，大家頗受我影響，認為港股已死，我以為大家已真領悟…..原來，只停於表面明白，昨天一問就露了底！心還是向著港股，是真愛！

乜而家國際喺週末有大事發生，市況要等星期一既咩？呢個係乜野年代，全球的金融結構已改變，股票既影響力已愈嚟愈細，港股更加唔駛講，死水般，佢真係到昇華境界，寵辱不驚，如果佢曉大跌，我哋重開 心d，證明仲有反應，有得救下，而家佢係植物人，火燒佢都無點郁！

大大個加密貨幣市場喺度，廿四小時全年無休運作，有重大事故就已經喺嗰處發生野啦，但比特幣完全對呢件事無反應，就知道金融世界點睇件事，或仲觀望緊件事，可能同我一樣咁困擾，普京無理由咁不堪一擊。

加密貨幣已帶嚟翻天覆地既影響，你睇美國SEC，日日都忙於整頓呢個市場，就知佢影響幾大！再返嚟我地中華地區，藝人周杰倫舊年出NFT，成功cap 水；呢兩個月喺香港出股票呢？失敗而回，講真，日後上到市都係無人理既三四線股票，開多幾場演唱會好過啦！

而家仲出股票？真唔覺你威！攞筆申請上市既資金，整返個加密貨幣交易所，申請埋政府牌照，然後出自己交易所代幣，仲好炒啦！出股票cap 水真係好out！吃力不討好！

如果你昨日聽到俄羅斯亂象，第一個念頭想起股票，已經out，居然仲想起港股，你係打從心裏愛港股！

難得有情郎！