九龍既物業定價結構

有網友看到我在YouTube 分析，我經常說屯門新鴻基新樓Novo Land 均價賣13800，是新界樓價真貌（二手價雖高，但有價無市，所以此價夠代表性）；而九龍通常值錢d，多十個鬆d百分點，那該約15000至16000元一呎。該網友問樓價的區域結構真的是這樣嗎？

是真違其不遠啦，我們看看近日兩單九龍區二手交易：

紅磡海逸豪園4座高層C室，實用面積844平方呎，3房間隔，近日以1,398萬元易手，呎價16,564元。

黃埔花園2期9座中層G室，實用面積389平方呎，本月以650萬元易手，呎價16,710元。

九龍的樓價該是這個水平才有價有市。

近日九龍區有兩個新盤準備開賣，都是東九龍的，一個係單枝盤，在土瓜灣，叫明雋，開價約18500一呎，另一個是大型屋苑盤Henley Park ，開價約21000一呎。當中見到定價規律，每高一個級數，樓價就有一成多起跳。

我好有興趣知嚟緊呢兩個盤既開售情況，如果銷情唔錯，咁九龍既定價結構同新界樓唔同，前者一手樓仍可以高過二手樓；但銷情若不理想，賣勢不好，咁價格結構就要重新定義過。

我既估計係，單枝既明雋會去到二手價16000-17000元呎；否則，難以走貨；而Henley Park 我就無乜睇法，要等佢嚟試下九龍的物業市場去到咩情況，我諗其他發展商都觀望緊呢個盤既銷情。

我係咁，跌市我先有興趣留意樓市，升市我買唔起嘛！跌市就睇佢跌到幾深，去到我有能力買。