加密貨幣同美股開始展升浪

STX 果然不負我期望，今早一覺醒來，升了25%! 有心唔怕遲，今日追補，重係低中之低位，我睇1000美元架^^。

如果我無睇錯（但我絕對可以錯），加密貨勢同美股，開始展開半年的升浪，升到你唔信，加密貨幣我指既當然係比特幣同STX ，其他我真唔識，我當然唔可以抹殺其他都升，但你要搵d呢方面既專家問意見，譬如好似成日上電視講代幣嗰個後生仔，見佢好似好冷門既幣都識，我就真唔夠精神硏究啦，我搞自媒體同programming ，已經用哂我成日時間。

美股梗係AI 股，我再講多次，我認為NVIDIA 的股價表現將會好似過去十年蘋果咁樣，未來升到你唔信，其他科技公司都都唔怕入手；另一方面我都係度尋寶中，我覺得應該有d潛力美股未被發現既，不過，等我行下d雲端AI 程式先，我要有感先知邊隻股有潛力。

如果一幢樓有五十層，STX 係lift 都未郁；而NVIDIA 部lift就升到4樓左右，我係咁睇。

有舊生喺我地telegram 加密貨幣群組內講左句：

「買crypto會買上癮！」

中呀！呢句正正點出加密貨幣產業，仍係全世界投資潮流，甚至方興未艾，有排玩。

試問市場既集體情緒，點會無癮，就係大家都排住隊有心癮，個pool 先愈嚟愈大，個龐氏騙局先可以玩落去！

記住，買野還買野，要提醒自己係參與緊一個龐氏騙局（任何投資都係），當部lift 一升到最高嗰層，部lift 就會斷龬索，急跌落地下，你走唔切，同跳樓無分別！所以部Lift 開始多人，就要留意，到過份擠迫，自己就要適時出lift 先：「唔該，我呢層有落」。

至於港股同港樓，呢部lift 只係落地庫，落完跟住搭地鐵離場算。