投資，愈上心，愈墮落！

最近美國SEC 對binance 既取態重要，開始「有得傾」，鵬仔一直好似片皮鴨一樣，被SEC 逐片逐片剮開，現在剮夠了，SEC 似已得到它想要既資料，可坐低慢慢跟鵬仔計數。

當然，鵬仔生怕SEC 氹住佢先，佢絕不會現身美國，博拉咩！

所以，我相信呢份拉鋸，起碼要二三年，binance 亦會一厥不振，或者咁講，呢段時間，其他既交易所，或新既受監管交易所會取而代表之。

真要留意coinbase 股價，既然binance 可傾，coinbase 更小事！

個人認為，比特幣低潮期已到尾聲了，佢同STX 在下半年，應該要大發神威。經此一役，任何代幣stacking （但呢樣野先令生意有得做）都怕觸犯SEC 條例，要行得堂堂正正，就只有Bitcoin Stacks，而家，佢只欠進一步既智能合約應用。

當然，呢條路唔易行，但而家STX 係超級低位，今朝係0.56，值博率好高。

又唔係叫你成副身家掟落去，小賭怡情，買返幾千，跟住掟埋一邊唔理，唔理唔理到幾乎唔記得買過；有日，你突然醒起買過STX，再睇睇個價：「下！乜升左一千倍，三千變三百萬！」我唔係講緊童話，當日騰訊招股，$3而已。

有無留意，你投資既野，愈上心佢愈唔升；你忘記左有過呢個投資，佢就升到你唔信。

投資，愈上心，愈墮落！