點解大光圈吸多d光，反而張相會矇多左？

影相既人都會好奇，點解大光圈吸光多左，反而張相焦點以外會更加矇矓？

首先，先講下我d儍事，初學影相，我連畫面要點下個焦點位都唔知，結果影出嚟既相，光線投射得相當均勻，即張相根本無焦點重心；後嚟先知，影相時要先挑畫面中一個位置做focus ，等光線較集中進入呢個焦點。

所以，當你用小光圈，物件散發出嚟既光線會以直線方式穿過小光圈，然後再折射到感光元件上，小光圈令光線穿過後再折射既光線角度會好細，於是射入至感光元件上既光線會較為集中，令去到感光元件上既光線向外擴散範圍並唔多，並聚焦係較小既面積區域，甚至更接近一個點，因此成像會較為清晰；當然，咁會犧牲左圖像既亮度，所以你會留意到，喺同一設定場景下，用小光圈影出嚟既相，係較暗既。

相反，當你用大光圈，孔徑擴大，物件散發出嚟既光線以直線方式穿過大光圈後，再折射既光線角度和範圍會較大，入射光線於感光軟件上會較為分散，當然，焦點始終吸光最多，固然會較光亮清晰，但焦點以外的物件，就會因光線擴散而顯得矇矓，往往只見一片光斑。

所以，我地所影既相，背景要模糊化嚟突顯相中既焦點物件，必定要用大光圈。

而所謂大光圈吸多d光，正確d講，係吸光「範圍」大左，做成焦點與背景的光線落差較大。

Alex@Kerwin