申請政府funding 你小心唔覺意犯左法造假都唔知

你出嚟工作碌過幾年，你就知各行各業有佢地既潛規則，可能係一d程序，可能一d作法，或可能係一d態度，就好似你上法庭受審，著得斯文d 有個好印象比法官係好d既；所以，你要喺某事處理得宜，多少要明白當中的竅門，亦即俗語講既「玩法」，「係咁玩先啱嘛」！

好比你考公開試總有d考試技巧；又或你要做YouTube 網紅，亦有一定的presentation 技巧要識，更要多少明白Google 的演算法，咁樣先可以事半功倍，如果唔係，你行幾行，見無乜進展，就會放棄。

做事不能「死咕咕」，要開竅，懂轉膊，「識時務者為俊𠎀」，有潛規則，當然要跟，無可厚非，咁你先係叻人、精人。

不過，凡事都唔可以過籠，過猶不及，潛規則係要依，但最怕你精過頭，過曬籠，由合法地守正規既潛規則，變左走偏路，甚至愈走愈大膽，做起犯法事上嚟，以身示法！

最衰係當中一定有另一d parties「教路」，佢地亂點廿四，但你信真係可以咁，結果監都有得你坐。

我近日就有舊生申請某政府補貼基金，去參加d所謂consultants 既seminars ，當中真係好窩心，提供「一條龍」程序嚟符合政府批核既要求，當中細緻到d成本單點做點做出嚟，有大陸公司配合咁咁咁，即係「偽做文件」啦，當然佢地會塑造到係合法既依程序做，只係想符合當中既潛規則。

你遇上呢種情況，千祈唔好耳仔軟落「踏」，咁就永不翻身啦，記住！記住！申請既係你，係你上身；更重要，政府批左比你唔係代表件事完結，而係開始！政府兩三年（甚至更遠既日子）後發現你造假，先同你慢慢計數，嗰時賴野既係你，唔係嗰d consultants，佢只會關心你申請時係未成功批到，佢有無錢收，佢地係真知政府要收齊乜野文件和依乜野程序先批到既（有d甚至自詡曾做過那個department) ，但佢地為求用最快時間獲得批核，大有可能幫你造假！

造假佢地會出力幫你，因為造假的法律責任係你承擔，同佢地無關，政府同你計數時，佢地可能已聯絡唔到，拜拜！

社會陷阱多的是，無人想犯法既，但好多野演變落去，你唔為意，就犯左法都唔知，到時後悔莫及。