有人搶就貴

市場就是這樣，多人要，就貴！Wirex 當年初出，我知它是英國證監註冊的，知好野，不是那些在去中心化中而中心化又不受政府監管的交易平台般，我即申請，那時甚麽也免費，從英國DHL張debit card 給我也是免費的，開account 又極速；現在，開戶多了很多關口，DHL又要錢。

說真的，wirex 在香港多人申請，我應記一功，我常推介嘛，wirex 應該給個VIP我， X account 給我2分息嘛！不過，若wirex 真給我2分息，我反而會退會；只因過去十多年，但凡有2分息的資產（雷曼債券便是例子），你最終必定血本無歸。

另一個有人搶就貴是冷錢包，最近該因很多加密貨幣平台出事，投資者們怕怕這些平台了，紛紛買入冷錢包放比特幣；我幾年前買，無人要，HKTV Mall 特價，$250； 現在，要成千，問你死未！

不過，就真寧願用冷錢包放比特幣，好過放在那些交易平台，好老實講，Binance 不斷聲稱自己好穩陣，亦不斷放風同用證據prove 個平台好穩陣，我信佢而家穩陣既，但今日既穩陣，唔能夠證明明日既穩陣，人性的貪婪出沒難注意，你一貪起上泥乜都做得出，中央化既野無政府監管，我就唔會信，正如我從來不信token! 

只信crypto! 

講開，真係好多人投資比特幣，但仍不明當中原理，還有不少人問我：「Sir，如果隻手指（冷錢包）壞左點算？我d比特幣咪無左！？」

唉…

好好記住條私鑰啦！

其實你唔買冷錢包都得架，save 入手機既hot wallet，然後，永世熄左部手機，唔online ，同一個功能！

如果你用冷錢包，但打算一直連住部電腦在線，你唔好買啦！因為有買等於無買。