「阿凡達」好睇咩 !

可能我品味獨特，十多年前「阿凡達」上畫，口碑聲勢強大，講到好好睇咁！但我睇完，覺得認真麻麻，重有d悶。

其實佢有乜勁！？可能我唔識睇！故事構想力又無特別，同嗰個年代的Matrix 三部曲比，差十萬八千里。

情況好似「明日戰紀」，講真，睇係一份對港產科技片的支持，作為起步，算係咁啦（真唔好搵王晶嗰D求求其其拍下既特技比，嗰D當動漫都唔掂），但呢套絕對悶，條橋好out ，廿多年前「天煞地球反擊戰」重好睇d！

至於最近破甚麼港產笑片紀錄的「飯氣攻心」，我認為係新一代版既「富貴迫人來」，唔覺真好笑，叫做輕輕鬆鬆熱熱鬧鬧咁；更加唔可以攞泥同周星馳既一d經典比，無得比！

套戲本質好唔好睇，同佢因緣際會而票房收得，兩回事！