香港H按封頂利率遲早同美國息口睇齊

最近傳出星展大幅將H按封頂利率上調到跟P看齊， 升至5.875厘，若屬實，而其他銀行又陸續仿效既話，對樓市殺傷力極大。

5釐息真係供多好多，相比加息週期未開始時，真係供多一半，你供開2萬變3萬，所以呢個潛在息口，你咪話無心理壓力！

舊做按揭既業主仍可比低息，但唔係代表無影響，高息嚇怕市民置業，少人買樓，二手樓價就跌；所以，呢個封頂息口上升會反映喺當下樓價上；當然，你無諗住賣樓，繼續供，無事！生活照過。

上一次升到5厘，是十幾年前既事，樓價已經開始有d受壓，但幸運地遇上金融海嘯，隨即進入漫長的量寬減息期，息口劇減，樓價爆升足足十年……

但今次，美國經濟先剛剛復甦起嚟，唔會咁快爆問題，西方經濟體制起碼要累積槓杆約十年先會出事，所以無可能咁短時間又嚟量寛，息口將會長期企喺6釐左右。

咁香港封頂息口會唔會再升呢？聯繫匯率下，美息到6釐呢個頂位，港息到頂都係6釐；大家望就望，聯繫匯率唔好出事，否則港息長升長有，就大鑊。

站在國家立場，香港長遠必定去美元化，但當下情勢仍未係最佳時機；畢竟國內「房產過剩」仍需要一段時間弱人民幣來治療，而香港在未來兩年亦不能承受過高的利率。

聯繫匯率未到可消失既階段，還要存在一段不短的日子。但可以先用昔日領導鄧小平先生嗰招，嚟個雙軌制，推出一隻港元穩定幣，跟香港既外匯儲備掛鈎，再順藤摸瓜般發展下去。

怎也好，香港當下要面對既係息口持續攀升既挑戰。