香港股票就係咁！

睇！投資港股真係守候得幾辛苦，要等國策轉變。譬如呢幾日，終於等到啦！內地制定「組合拳」支持內房，包括降低一線城市非核心街區既首付比例，以及喺國務院指導下進一步放寬購房限制，於是香港既內房股股價就反彈，連帶香港的地產股股價都升。

香港d股票，好似愈嚟愈唔識自力更新咁，d價值要等國家政策泥決定，非常依賴，相當畸型。

所以，我都唔明點解仲有人喺網上教人點炒港股，乜仲有乜野技術可言咩！等消息咋bor! 真係乜野分析都浪費精力同時間；要儲對市場的識見，不如對全球科技、美股同加密貨幣加以著手，會有回報多d！

咁你可能會咁講：唔比我對內地國策好有認識架，識見不凡，睇通中央點行政策！嘩！你咁勁，真係無人夠你嚟，我自問做唔到呢個水平，佩服！你要發達唔通我唔比你發達咩！你一於去馬！

我只係知，一間公司，若果長期都要依賴國策扶持，就唔係健康；以前，係國營企業時，就乜野成本都政府包底，而家處身喺市場競爭，就要國策扶持，咁長遠都唔係辦法。

有舊生問我，越秀地產買唔買得過個，話佢估值低，最近供股所集資既83億元，唔係用嚟還債，而係準備投資大灣區、華東地區核心城市和其他重點省會城市，好似幾健康bor! 

你好睇好內地華東發展？似乎水災多d bor!

其實，全球人口老化，人口萎縮，唔好話內地，全球房地產前景都唔會好到去邊，點解係要留意呢d咁傳統咁過時的產業。

就算我投資內地股票，我都寧願買同科技有關既股票，保守d既咪中電訊，激進d咪騰訊。

但都係嗰句，環球咁多投資工具可揀，做乜係對港股，重要係咁傳統既地產股，情有獨鍾啫～～～～～