遲來的證監警惕 ——可憐JPEX客戶已出不了金

遲來總好過不來，證監終於發炮轟JPEX！

我常說，只要有種投資產品，一接近年均回報2成，誓必好快爆煲，JPEX 都知既，所以佢近一段日子推甚麼「高息存款」，到期日是明年年中，那一天，就是JPEX走佬時。

其實，明眼人也看到，JPEX 最近所做既一切都好「盡地一煲」，要搶最後一筆大錢，廣告內容愈加震撼吹捧，幾乎全球Web 3 也由它掌控，自詡說話又謊言不絕，講到差不多已「被」全世界發了加密貨幣平台牌，只欠香港而已；又聲稱同乜野上市公司合作，吹得就吹，至緊要有儍仔入錢，真係儍仔入金一蚊，JPEX就一蚊毛利了！這些錢，全將是要挾帶私逃的款項，今天客戶想拿回，天方夜譚！

聽說自證監出了通告後，JPEX 客戶已無法出金，出不了架啦！今生今世都出唔到架啦！係扼你就扼得徹底！

通常，加密平台都有一個很顯眼的「核心」主事人，四出奔波出鏡爭取焦點，雖然他們大多語無倫次，但起碼日後可搵到個要「通緝」既人，但JEPX 是「空核」的，靠一班網紅和代言人圍攏拱照著，這已告訴我們，非常古怪。

又聽說，林作也有bitcoin 在 JPEX ，又好似有合作機會，孰真孰假，天曉得！但能否出金， 他要擔心，因為唔熟唔食。

不知JPEX在港有無office ；若有， 我相信這幾天，警方要來了！