踱步東京小田急線另一豪宅地(3) —— 究竟日本固定資產稅係點收法？

今日兩篇關於豪宅的文章，屋主孭重稅其中一個原因來自要交固定資產稅，咁究竟日本呢隻稅係點收法？點解收到酒井真司先生過唔到世咁！

原則上，但凡你擁有土地和房屋，都分別要交固定資產稅；換言之，你如果有「一幢」物業，你既要交物業本身的固定資產稅，亦都要交物業所佔既嗰塊土地既稅；當然，如果你只買嗰幢物業其中一個單位，你既土地固定資產稅就按你物業所佔既比例繳交。

全國一般的固定資產稅稅率為1.4%，是比例稅，因此稅額的計算方法是固定資產的估價x 1.4%。基本上日本地方政府自行負責固定資產的估價，每3年會進行一次重估。

固定資產的估價大概是當時市價的70%，當然估價會根據實際資產的大小、構造、樓齡等而有所不同，固定資產的估價都會列在每年的納稅通知書上。

若依上面既計法，如果你擁有東京的一幢豪宅，個物業估值真係可以好高，即使1.4%稅率，都可能要交非常大額的固定資產稅，難怪酒井真司先生守祖業守到面青青，年年咁交法，想躺平都唔得！當然，如果佢學香港波叔嗰仔，老豆一釘，即刻賣曬佢d物業，咁就無閉翳啦！

日文參考資料：

https://www.soumu.go.jp/main_sosiki/jichi_zeisei/czaisei/czaisei_seido/150790_15.html