路遙知馬力，加息見股強！

昨天為文已說過，市場充斥不同的預期，這些預期會反應喺資產價格上，所以當預期未來樓價跌的人所佔既比例增加，樓價就要跌。

近一季另一個市場預期，係對美息已到頂的看法，有𣎴少市場人士認為已到，但我一向堅持未到，要到6釐才完。現在，美經濟比估計更快復元，有足夠底氣讓美聯署加息，市場原先預期美息見頂的人亦要改變想法（看來人數真的不少），於是，這兩天就反映在環球股票市場。

股市是資金市，資金有利息成本，利息的預期絕對影響股市的流動性；現在市場預期美息還要升多幾口，有些投資人認輸了，不想捱高息，掟翻d股票出嚟。

你睇呢兩日，美日科技股的跌幅，就睇到邊隻係較強勢既股，乜野叫強勢？即係佢升勢仍凌厲，短期還要升，升幅可抵過未來的利息上升；換言之，呢d公司已到成長爆發期，飛龍上天！

呢d股票，過去兩日跌幅輕微，NVIDIA 就係其中之一，META 因為痛改前非，推出Twitter 版既 Thread，跌幅亦輕微。

而跌幅較大有我睇好既Joby Aviation ，明顯呢隻股票仲係喺潛龍勿用階段，短期未必能大升，未能抵銷未來息口上升，投資者君子不吃眼前虧，掟左出去先；而我，繼續慢慢收集，即係我會接貨。

加密貨幣更為明顯，比特幣強勢難大跌，畢竟大家預期實貨ETF 快來了，未來比特幣價格升勢該凌厲；而我既至愛STX ， 因為bitcoin stacks 既智能合約還在推廣中，短期內其應用不會太普及，所以預期該價不會大升到可抵過利息既升勢，就出現較顯著既跌幅。

如果你想短期博一博，該找那些近兩日跌幅較少那些；而跌幅較大的科技股和STX ，則應屬長遠集貨的類別。