超微（AMD）極有可能成為第二隻NVIDIA

認識「超微（AMD）」，係因為留意到行window 既laptops，粒CPU 唔係Intel 出既系列通常就係AMD 的Ryzen 系列，而喺各大雲端服務中，選擇虛擬機器既運行核心亦有AMD CPU可挑，漸漸地印象就深啦。

相比NVIDIA，AMD 較為「client side 」，亦都因為咁，佢頗受今年上半年全球「去庫存」既影響，畢竟過去三年疫情，遙距學習和工作要求下，對電子產品的需求極為殷切，以致各大廠商對呢d產品作出過份樂觀既量產，近一年出現滯銷，所以今年首兩季大家都以「清貨尾」為首要任務，新品種都推遲到下半年先，就連蘋果本年度仍未對iPad 系列作出任何產品更新，而AMD亦處於「去晶片」階段，面對過去兩季Intel 晶片劈價求售，AMD自然有銷售壓力，以致今年呢方面業績並不太理想。

不過，你見佢股價並不低迷，甚至蠢蠢欲破歷史高位，原因係佢一直主力開發的laptop機種，同打機有密切關係，亦即佢喺GPU 晶片開發方面有一定既專業經驗。

近一兩年，AMD不斷硏發GPU 晶片嚟迎合機器學習的各種「框架（frameworks）」，建立強大的 AI 解決方案，包括更新 PyTorch 基金會的PyTorch 2.0 框架，提供本機的軟體支援以及最新的 TensorFlow-ZenDNN 插件，可以喺AMD處理器上進行神經網路推論，呢d配合都好似NVIDIA 咁，為各大雲端商做好AI 既硬件佈局。

但呢方面亦係佢局限，佢既人工智能發展始終「痴」住d frameworks ，而唔係自行開發，局限左佢既應用彈性。

AMD 與Microsoft Azure、Google Cloud 和 Oracle Cloud 等主要雲服務提供商有著緊密既合作關係，就好似最近同佢地合作推出以AMD EPYC™ 處理器為基礎核心的機密運算新功能，進一步提升佢喺雲端人工智能方面既參與度。

而佢較專門的微晶片———嵌入式網路晶片，可用於各類型的電子產品和家品中，銷情亦相當不錯，今年首季營收 15.6 億美元，營收成長高達 163%。

AMD 極有可能成為第二隻NVIDIA。