趁大跌勢等待最佳機會入手美科技股

美股近日大回調，科技股大減價，我亦伺機等入平貨，有舊生問是否買AMD 。噢！大家真要明，投資如打爛仔交，不會一成不變，要因時制宜，你地戰叻梗唔到你打到扒地，但明知你有腰患，又唔同咁講。

之前我認為NVIDIA 唔太適合入手，係因為佢盲升得太多，但佢家下跌返落嚟，值博率又高返。始終AI 產業將要主導未來十年的世界，佢係AI晶片龍頭，平就梗要入！

Google股價周三隨大市跌勢下跌 5%，係自二月底以嚟既最大跌幅，加上OpenAI 宣布開始測試 SearchGPT 原型，Alphabet 的搜尋地位大有可能進一步被削弱，股價周四進一步下跌，目前已從 7 月 10 日高位下跌逾 12%。個人認為，Google 已經非常積極結合AI 落佢唔同既服務到，譬如Google AI 既摘要功能對年青用戶都好appealing！Gemini則有助開發者減省工作，廣告商亦喺SmartBidding 工具中見到顯著成效，核心廣告業務在 AI 的幫助下實現了兩位數增長，而雲端業務雖然仍占 Alphabet 整體業務一小部分，但按年增長了三成，表演算唔錯。

我認為Google 而家股票已被低估，不過，市場一沉百踩，再低估就最好，等我可以執平貨。

蘋果我一向唔睇好，都唔知佢升乜！AI 大落後，但佢有一班好痴心的支持者，撐住股價，真係吹佢唔脹！

咁多科技股，最衰梗係intel ，佢最近終於承認第13代同第14代粒CPU 有問題，但佢話明都無乜補救方法，請用戶自求多福！衰到咁！我都唔知佢恃住d乜！我諗唔到乜野理由要買佢！

因為Zuckerberg 得罪過Trump，我地都係企遠少少好d，拜拜Meta！