資金流向與亞州樓市

整個亞州，除了星加坡和日本的核心城市（主要是東京和大阪）外，其他地區，如中國（當然包括我們香港這城市）、南韓、越南、馬來西亞等等，樓價均下跌。

亞洲區樓價普遍下跌，當然是十多年來量寬的後遺症，滯脹驅使各國收緊銀根與及加息，大大壓抑了樓價。錢少左，當然比唔起咁高樓價啦，樓價自然要回落，係最簡單不過既道理，只有好似我地香港既「莊士中國發展」呢d天才公司，先想博下僥倖賣30000港元一呎樓價，但客觀條件不為主觀意志所轉移，註定慘淡銷情到取消開賣。

既然成個亞洲銀根都咁緊，咁點解星加坡同日本樓價會升呢？

咁即係意味，僅餘的資金因某些原因，會由一個區域流向另一個區域，最明顯當然係香港，因為體制的改變，資金流出，大部份流向星加坡，炒起了當地樓價，而內地即使有資金流出，也不往香港來，亦都係往其他地區去，所以香港既樓市特別顯得淡靜。

而日本則因平日元，吸引歐美資金入市，推升了當地主要城市既樓價。

有左呢個資金流向框架，我地就可以推斷未來跨地既物業投資回報。

銀根緊縮唔會永遠，終有一日會完，跟住又再印翻銀紙，我相信兩年後就會咁，咁亞洲區既樓又會回復升軌，但因為資金流向結構已變，即使各國常態咁印翻銀紙，各區的升幅亦未必相同，資金會流向較高物業回報既地區，我相信星加坡樓價到時已經升到好盡，無乜空間可再升，唯一還有潛力爆升既就係日本既東京、大阪同其他次一等既核心城市，如京都和名古屋等等。

所以，我認為，要喺亞洲物業投資有高回報，該數住日本既核心城市嚟入手。