談談南韓既一位攝影師 —— Cho Gi-Seok（조기석）II

《Flower Study》(2019 – 2023)

有關藝術方面既探究，佢一直都敢於嘗試同幻想，而《Flower Study》就係佢第一個實驗性專案。藝術創作帶比佢既，不單只係對塑造未知既渴望，仲有對美學（好奇同幻想）既追求。我地現時身處緊既時代，周邊都共同存在左好多唔和諧既野，對此，Cho Gi Seok一直感到好奇：＂如果我將各種各樣既「對立」重新組裝起黎，究竟會產生一種點樣既美呢？＂

而係呢個專案入面，佢就研究左人同花卉之間既關係同各種可能性，例如：各種化妝、兩者既形態、甚至可被引申為一種對本國文化既熱愛。

「人」同「自然」既分別變得模糊。無論係人物肖像定抑或花卉，本質上雖然存在著一種對立，但《Flower Study》向外界展示出兩者彼此交融、存在既可能性，成功跨越左現實既界限。花卉係重新組裝既情況下得已共存；同時，模特兒既身體亦係人造自然下，重新塑造出一種新既模樣。除左為觀眾帶黎一種視覺沖擊力之外，更提供足夠既想像空間比觀眾，係意義層面上重新思考「人類」同「自然」之間既各種可能性。

此外，作為來自韓國既藝術家，佢亦希望透過鏡頭向世界傳遞民族既聲音。係佢既鏡頭當中，我地好容易搵到能夠代表韓國，或亞洲文化既象徵，例如：韓國既傳統服飾、表演時會用到既傳統面具、韓國模特兒、花牌等： 

係情感表達方面：佢亦將東方人欲語還休既表達方式，演繹得淋漓盡致。模特兒既情緒大多為一種哀而不發既狀態，呢種既表現方式，亦能夠將東方美學含蓄、內斂既一面表現出黎。

係素材方面：Cho Gi Seok對「花」既運用，尤其蘭花，亦係出於對自身＂根＂文化既致敬。無論係現實世界定還是東方藝術世界，「花」係一種常見且直接表達美麗既「符號」，而係韓國文化當中，蘭花更具有獨特既象徵意義，被視作為一種特殊既花卉，受人尊敬既花種。影花既攝影師好多，但佢每次總能通過佈景、改造同重組，向大家展示出新既可能性。

Alex@Kerwin