親海駅銷情具指標性
2023 年 8 月 12 日 | 千論投資
今日長實劈價賣樓，一Q清袋是意料中事，清唔到先令人奇怪。
我最關注既，係內地人佔買家的百份比，百份比愈少，代表樓市愈大鑊，樓價仲要跌得更深。
咁既價錢，內地人都唔吼，反映左佢地對港樓喜好已有「結構性」改變，唔再覺得港樓同內地樓既分別太大，咁就死啦！香港樓市，無內地買家，點托起嗰市？
如果大百份比係港人，咁呢個盤短時間已經吸乾晒九龍客，其他發展商既九龍盤就更難賣，賣價就要再劈深d，或送車位，送埋車，送埋的士牌照比你！至於居屋，就要進一步減價囉！其實d人話呢個盤係居屋價，點會呢！呢個私樓價一出，居屋價就唔係呢個價啦！
全世界都觀望緊呢個盤銷情，真一Q清袋，九龍樓價重可以企穩喺呢個15000水平，如果有2成單位剩，賣唔曬，都死！
所以，我係潛在買家，會觀望呢個盤，而唔會入局，睇定d先！
更何況，大家都知，如果入局，困埋喺今日條龍，都幾難空手走返出泥！
我唔想過幾日撻訂上報。