蘋果股價大幅回落，機會非常高。

很多人對蘋果產品有「黏」性，我是理解的，我主手機也是一直用著iPhone，十多年了，已是慣性，而編程一直也有用Mac 機。

然而，慣用蘋果產品是一回事，蘋果股價上落又是另一回事，不能混為一談。

我絕對認為蘋果發佈Apple intelligence 後的股價上升，完全是虛火。其實Apple intelligence 只是其作業系統IOS 發展的必然延申，我估蘋果本來想「擠牙膏」式推出這些AI 既服務，但奈何將生成式AI內建在智能手機已是不可逆轉的趨勢，蘋果不得不祭出所有AI服務來爭回市場焦點。

然而，任你點「晒冷」，蘋果的AI 硏發根本就不是它過去幾年的開發重心；嚴格來說，蘋果是慌了手腳，急急順應潮流推出AI 服務來挽回頹勢。昔日Steve Jobs 仍在生，蘋果產品帶動潮流，今日Tim Cook 主政，不理是否自家原創，只求抄襲得聰明，用家體驗滿意就得！

Apple intelligence 根本就先天不足，是「臨急抱佛腳」之作；否則，就唔會搵chatGPT嚟做「後盾補給」；再者，這AI服務還要一段不短的日子，才能伸展到各類蘋果產品中，真係仲有排等。

同埋我都講過，chatGPT 喺內地係唔用得既，蘋果要急急腳喺中國國內搵AI合作伙伴，據聞已接洽既國內龍頭科企包括百度、阿里巴巴、騰訊，與及AI初創企業百川智能；但更大問題係，跟呢d科企合作AI 服務，必須經內地部門審批，通過時間難以估計。

換言之， Apple intelligence 要喺國內提供，真係十劃都未有一撇，而中國市場對蘋果非常重要，咁關鍵的AI市場，蘋果有排都未打得通，咁佢既股價升乜呢？唔係蘋果喺「世界開發者大會」（WWDC）中發佈左就當已經有嘛！有排都未行得通！

所以，我認為蘋果股價會繼續回調，而且幅度唔細！