英國伯明翰破產之後感

英國第二大城市伯明翰宣布破產，沒甚麽大不了，歐美國家一向有這種做法，地方政府還不了錢，有錢都要保住整個區域的正常運作，要出糧比公務員，咪要咁做咯。

不過，既然歐美國家可以咁做，點解內地唔可以！？所以地方政府一樣可以循呢種方法賴美元債不還，合情合國際法，我相信嚟緊幾個月呢d內地個案陸續出現。

內地過去十多年樓市癲狂，地方政府稅收多（其實香港都係咁），大家都喜氣洋洋；現在內地樓市崩圍，內房無錢，跟住地方政府都會無錢，唔還錢係必然！

一個城市，若靠樓市興旺，如果企業同城市管理機關都唔識見好即收，將賺左既錢儲落嚟或好好運用喺其他產業，譬如科技項目，而係再掟翻落去樓房產業中，問題一定大！點解？你諗諗，樓房同科技，邊樣先有未來生產力？

顯而易見，「住」既價值係實在既，但會唔會大升呢？要睇人口，而家全球人口萎縮中，可以咁講，由二次世界大戰後所帶來既全球人口成長週期已到後期階段，大家起咁多樓，做乜！？所以，若當下物業炒到癲價，呢d「癲值」根本就唔應該存在，遲早跌翻落泥！除非各國政府世世代代都狂印銀紙頂住嗰升勢！而事實話我地知，根本無可能咁樣狂印銀紙。

日本過去四十年唔係講得好清楚呢個事實比我地知咩！八零年代，日本樓要供三代人，所以日本跟住衰足三十年（當十年一代）。

等於有兩個人，一個炒樓而一夜之間好有錢，一個搞半導體產業而默默累積財富，邊個較實在？

當然，取其中最好，炒樓有大賺，然後用心開發科技產業。

內地正循這方向推進，但當下既樓房過剩問題，尾大不掉，要捱過呢個十年災劫先可以腳踏實地走科技發展之正路！