若計及廿年來的通脹，發展商當下開價已經好接近沙士價。

新鴻基天水圍天榮站新盤Yoho West 昨天開價，最低折實價低至10000元一呎，推二百至三百伙左右。

這價錢合理，天水圍樓價若以沙士價計，實用面積價約在4000至4500一呎，計及過去廿年物價升幅達一倍（唔駛睇數據，沙士時大家樂一個早餐18元，而家36元就知），即該在8000-9000元一呎，以新鴻基所開的均價約在11500，又係輕鐵「上蓋」盤，其實已經好貼市。

若能賣走七至八成，即二百多個單位，我相信其他大發展商都會以此定價按地段增酌而賣；而家發展商賣樓策略，不求一Q清盡所有樓盤單位，只要能分段賣出套現，就過得去。

再者，大家會留意到，愈偏遠的地區（其實香港地區偏遠極有個譜），開價就愈接近沙土價，原因是內地客愛買市區新樓，九龍和港島盤「溢價」一定高些，所以，如果唔太影響上班出入的車程，Yoho West 都幾抵買。起碼對我呢d在家工作的人，只要有網上有google ，真係分別唔大。

以前做高考經濟科補習，因為補習社喺太子旺角，住既地方就話唔可以遠，焗住市區，加上嗰時仲年青，會通處去，地點在「市中心」會就腳d；但而家做網絡生意，加上年事已高，深居簡出，住處就可以彈性些，擇平而噬！

自從政府放寛印花後，的而且確多左內地人買樓，但佢地只對市區新樓有興趣，如果我地想買平樓，接近沙士價，應該向舊樓同偏遠區段入手。

咁條數就襟計過你住入大灣區，日日走出嚟香港開工。