舊生，你不是窮，是太閒吧！別騙我^^

今年iPhone 炒勢弱，發展下去，不出兩星期多，我相信連最炒得的Max 256 原色，最多也只賺2百元左右，我認為可省點精神與力氣，不用炒囉！但有舊生認為有兩百元賺也該盡賺，並自謙地這樣回應：

「Alex ，我窮，搵多少少飛行里數可以飛多幾次」

窮是相對的，你欲望不多，你就不會覺得窮，甚至生活中還可自得其樂，快快活活。況且這舊生著實不窮，短短兩句說話已露了厚底，能一年飛去杜拜與歐洲幾次，必是有米之人！我好生羨慕。

然而，我所謂200元利潤無謂去炒，與貧富無關，而是值博率的問題。

這麽多年，新型號iPhone 推出時的炒價規律，已極明確。以頭幾日而言，Max 256當炒既話，隨時有三千蚊執，機率有八成；炒燶最多蝕三百，兩成機會出現，咁expected value 大概係$2300，值博率非常高，所以，基本上你爭到頭三日的貨，幾近賺硬！

但去到炒賣既尾水就不同了，情況恰恰相反，通常尾水時，你見仍有二百賺，一切就只等Apple 的終極派貨、但問題就在這裏，因為貨一來隨時係海量大貨湧來，先達收價可瞬間大跌，那原本可賺的$200 即化為烏有，還要倒蝕$300，就當五五波機會，expected value 都要負數，就當是零吧！那無利益的事，我們幹來做甚麽？又唔係女神Kaying 仍守在先達，那至少可一見紅顏而自慰，但女神已不在，博乜呢！

另一位舊生有這樣回應：

「如果唔係用好多時間其實都可以嘅，但如果要花費好多精神同時間，倒不如諗吓有冇其他嘢可以賺錢。」

全對！如果你心力同時間無alternative use，啫係no cost 喇！咁即使炒賣既預期值係零，仍可一博！因為你唔炒賣都無野過日神。

所以，上述嗰位舊生唔係窮，應該係富有到太閒，時間和心力無他處打發，就來炒賣iPhone 尾水寄託一下。別騙我！ 

人的行為，其實好經濟學！