舊生問我點解STX咁好？

唔好以為我呢篇主要回應呢條問題，我係別有所說！最尾幾段才回答，如果你心急，請移玉指先往下拉！

某長輩曾對我說：「你撈邊行，整定！有d人做Sales 可以做到好出色，你見人地撈得掂又痴埋去，點知就搭沉船，註定既！」

我年青時也未能體驗這道理，但愈年長就愈感到這觀點的實在，尤以我整個工作生涯，就總離不開經濟呀、投資呀和炒賣等等，真係做補習都要教Econ 先紅（即使我中文亦很勁！）我沒有賭性，不太愛天天講投資，但偏偏我這方面的話兒就很有市場，由不得我任何的發展（就是最近搞既科技與自媒體），亦要跟這課題扯上關係。

但這方面的發展，我得極小心，我寧願從自媒體切入去賺點廣告收益，也不會作任何financial product endorsement 或 作任何機構的affiliations  ，這種取利方法是在燃燒自己的名聲，花費個人誠信，作為一個餘生想做寫作的我，絕對不會犧牲半點我文字給人的信任度，真是少許都不會豁出。

更何況我寫投資既角度並不大路，真係我有我態度，有異於一般的行內演繹，我連佢地用開既術語都唔曉用，若要我用文宣式方法吹噓他們既產品，我應該寫得好肉酸同唔合格！

我追求既係寫作的樂趣，但為了有內容，要言中有物，我不得不硏究跟我終生結緣的投資話題；然而，我既投資目標也只是追求長期的合理回報，極少在意短期的當炒話題，所以我的文章內容，往往牽涉極少主流熱話。

近幾日ETH 不斷被炒作，說它的實貨ETF會繼比特幣的接踵後上市，這簡直天方夜譚！一派胡言！我不會相信，當然，由這種話題炒作所推高的ETH 價格，我是絕對推斷不出的，真的無能為力。

我之所以喜歡Bitcoin Stacks (STX)，是因為他們寧捨易取難，不自建一條母鏈，而卻心甘命抵，以側錬附托於比特幣主鏈上，堅持以去中心化原則謀求發展，雖則項目推進得較慢，但這態度，贏得我歡心！也贏得美國SEC 的欣賞。

如果你說Bitcoin Stacks 幾乎沒有「能打」的項目，那以太坊有咩！？ 扼人既項目就多，再看濶一點，乜成個加密貨幣生態，有某個應用在實際生活中好普及？全部都係炒賣啫！

我只係喺炒賣之中，找個較為腳踏實地的項目而已！