給一位想創業既DSE舊生一席話

昨天有位DSE 舊生，問我創業問題，他打算想搞些補習生意….

我第一個反應就是做實業生意要成功，不是一朝一夕，是用上十年廿年以上的青春和精力，所以要挑一個極有前景既產業嚟做，補習已難成大業，係細眉細眼生意，搵份糧；如果係有野心想做好一盤生意，就要揀另一d產業，然後用心一點一滴累積當中既營運心得，如果無呢種心志，可真唔好浪費寶貴既年華。

人最怕入錯行，做生意都係，你投資青春和資金喺一個半生不死既生意，無意思，不做也罷。

真嘛！昨天小學派位，得二萬學生，數目少得可憐，內地又禁學科補習，我這位學生想「邊緣上」做埋深圳過境學生，咁即係你盤生意仲要「偷雞」，咁點做得大！真係唔好浪費剛大學畢業既年華！我再講一次，青春真係好寳貴，千萬別亂花！

我呢位學生，其實係位叻仔（我唔會立亂誇一個學生），補我時我已覺他夠「世界仔」（我癡下金筐，有d似我後生時），在課堂中我也偶有讚賞，如我所料，佢讀大學期間已經做緊保險，做得有聲有色，一畢業已有事業！年青人，事業有野心，應該！百尺竿頭，更進一步嘛！

然而……他跟住同我講：

「我無諗過長做呢種補習生意，諗住賺佢幾年錢就算…..」

咁如果係咁短線，點解唔買下美股買下比特幣，而家低位，等佢升值仲好！

做實業生意，心理壓力好大，尤其係喺當下社會氣候，一時疏忽，隨時誤觸紅線，犯左法；如果你唔係堅定心志喺一個好有未來的產業發展，真係唔好創業。

我呢位DSE舊生，明顯心態與創業不符。