納米樓給我們的人生課

見舊生還在儲figures，感覺年青真好，還有這麽多日子玩「珍藏」；作為一個五十多歲的老頭，我就真沒有這雅興。

死去才知萬事空，到你步入中年晚期就會明白，面對身邊的朋友一個個走了，你會感悟：原來生前怎執著都沒用，因為最終也會被人世忘卻，那你曾堅持的，都唔會有人記得。

明白這個物我皆「亡」的道理，我本來以為係人晚年既專利；但我發覺，原來當下年青一代也要領悟！

因為佢地買左納米樓。

如此細既空間，真係買多個高達figure 翻去都唔知點自處，放得佢嚟唔知點放自己，好頭痕！

更深入既感悟係：自從誠哥的親海鮮駅二期後，你真係會覺得「本來無納米，何處惹損失！」而家無左百幾個，真係大徹大悟。

因為有左間納米樓，你領悟左以上咁豁達既道理；但思想豁達後，你連間納米樓都想唔要，更唔想蝕錢；你就想！

因為你病，先知健康重要，但知道後，你唔想病！但你可以唔病！？

人，又點會無執著，尤其香港人對置業。

就好似與生俱來咁一定會病，香港人一出生，就好想置業。