精簡易明的教學風格，極具市場價值。

對我而言，世界沒有令人難明的學問；然而，世間卻有極多說不清學問的人，明明簡簡單單的道理，佢地會講到一舊舊，東拉西扯，真係你原本都明明地，比佢地一講，明都變唔明！昔日高考Econ，我地做補習咁吃香，就要多得當時既日校老師，佢地唔識教（而家修讀DSE Econ 的學生絕對構想唔到當時考得幾深，老師會講唔明既咩！）明明好簡單既野佢地都可以教到好複雜！

我初學編程時，已有呢瓣專科既人提醒我，要有心理準備懂編程既人不懂表達，初學者聽了他們的教導，大多只能知其然而不知其所以然。

我聽到既反應係：瞪大了眼，喜出望外，咁啫係，編程市場裏有片大藍海，讓懂表達既人可以盡情發揮，釋放佢地呢方面的價值啦！而我自問，係一個有能力將學問化繁為簡既人，能用最淺白的方法演繹出嚟；這方面，我真有優勢，上過我高考Econ 既學生就明，我的教法，從來都是「精簡易明」，課堂剩了時間就拿來跟同學說說笑談廢話，好搵笨！哈…….

所以，我之所以如此努力學習編程，其中一個原動力，就係佢能為我帶嚟多樣的市場價值，其中一個價值就喺教學；所教既內容最好既深奧又悶吊，咁我既presentation就愈有市場價值，真係可以天價桇！呢個係昔日高考Econ 補習話我知既。

編程教學，是我未來產業發展 最重要成份之一。