究竟光圈是甚麼回事 ?

近呢幾年越黎越多人關注日系風格既攝影，而其中一個日系照片特色就係「高光」，而高光多少又同「曝光」有密切關係，咁乜野係「曝光」呢？

所謂「曝光」，就係拍攝時抵達相機感光元件既光線總量，呢D光線總量會在感光元件上被處理成影像資料，亦即我地要影的相片。

影響抵達感光元件的曝光總量，其中一個因素就係鏡頭的「開口」大細，或所謂「孔徑」，或更專業d叫「光圈」；我們直覺也該知道，光圈愈大，吸進相機既光當然也就多些，曝光總量就愈大。

如果你仔細觀察d相機鏡頭，往內看會睇到一個由多個葉片組成既裝置，呢個裝置，為使攝影初學者容易明白，我地可以粗略地咁樣演繹：葉片覆蓋鏡頭既程度可粗略以f值嚟量度，f值愈大，葉片朝向鏡頭中心所覆蓋的面積就愈大，如上圖的頂部所示，由左至右f數值是愈來愈大的，葉面覆蓋的面積就愈嚟愈大，鏡頭中心的開口（或孔徑）則愈來愈細，亦即光圈愈細，咁光線進入鏡頭會很少，曝光總量就會低。

我地可以將光圈既設計想像成人眼睛入面既瞳孔：當身處係光線充足既環境時，瞳孔會收細；但喺較暗既環境中，瞳孔則放大，令更多光線進入眼睛才能清晰。

而感光元件則更可比喻為一張水彩紙，前者專吸光而後者則吸顏料，光線就比喻做顏料，要多些顏料落在水彩紙上，我們就需要一枝較粗的畫筆，這好比喻要多些光進入鏡頭就要用上大光圈，畫筆的粗幼正比喻光圈的大小。

所以，f值愈小，光圈愈大，曝光便愈高，照片就愈亮；而f值愈大，光圈愈小，曝光便愈低，照片就暗。

而所謂「高光」，就係照片整體比較明亮，咁要做到呢一點，光圈當然要調教大些。