眼睛爆微絲血管

大家有無試過有一日眼睛的眼白位置突然間紅左一大撻，狀甚恐怖，但眼睛又唔痛，又無出現分泌物，睇野又無矇到呢？

呢個係眼球上結膜的微絲血管爆裂引致，令眼球表面出現一泡血，出現的原因，可以係無特別緣由，可以係因為打噴嚏時太大力，但如果經常出現，就最好作身體檢查，看看有無心血管疾病。

爆微絲血管，通常一至兩星期內會自行恢復。期間如果覺得眼球有點脹，可以使用人工淚液舒緩。切忌熱敷（尤其是頭一兩日）因為會加劇出血狀況。至於爆絲血管期間可唔可以使用隱形眼鏡，只要確定不是眼睛感染或發炎，都可以繼續使用的。