真係好怕你「手足」前「手足」後，你好似有手足口病咁！

有時，還看到網上有些攪生意的，文字仍寫著「手足」前「手足」後，又說「最緊要幫到人」，這些違背人性的自我網上宣言，究竟是他們極天真？抑或是我極世故！？

你做生意的，就該專心致志做好你的產品，然後收取合埋的回報，其中所要的心力已是你的全部，又怎會突然可「分心」：「啊！你係「手足」，無計既，平d比你！」我會好奇，你怎樣界定「手足」，跟你表句態我所喜愛的顏色？

「手足」這兩字，我的感覺是，跟黑社會的「兄弟」和教會的「弟兄」很相近，容易被人利用來騙取別人的信任。哥前哥後三分險，更何況相識不深就稱兄道弟，甚麽都話無計，大佬，你營運都有皮，下下一句「手足」就要蝕，下下話「幫人」就平d，你邊度嘔錢出嚟！？

明明你盤生意無得做，就話「手足」一場，點都要幫手既，蝕住做都要。我既演繹係：如果你唔蝕住做，你連呢個「手足」既生意都無得做。

就當你真心幫人，咁你真係不知人世險惡啦，你幫人，人地未必幫翻你架bor！我明！施恩莫望報嘛！但呢個世人有好多人係會過橋抽板既，你一d保護自己同身邊人既意識都無？

我交朋結友的原則好簡單，如果你係做生意既，我幫襯你，你唔駛平比我，你收開乜價就乜價，交心既，落多幾錢心機喺交比我既產品度就得，你都要開飯，個個人都有生活皮費，做生意梗係做熟客生意，咁嗰嗰都係朋友㗎啦，你平得幾多，交足工夫就得。

你當下話收平我，但轉頭私下諗下諗下覺得好蝕，跟住暗地喺產品度偷工減料，我重衰！

前一段日子，有位過氣Econ 補習老師，喺YouTube 教人炒外匯，一段日子後聚左d舊生，唔熟唔食啦，跟住嚟料，話替學生投資外匯，又話賺左，佢拎佢嗰part 捐去做善事，果真神人投資，寧捨豁達！夠曬大愛；結果呢？輸曬舊生d血汗錢，而家已經走佬過左英國。

人，最扑街既野係，不但不承認自己自私自利，更偽善起來，故作清高，天天嚷著為大家謀福利，其心實可誅！

最蠢係，我地會不斷喺呢個循環中反覆相信人性中居然有大愛。

大愛既意思係：寧願自己今生今世永不翻生，也要成就你這位「手足」。

你信！？