真係唔好睇小比特幣既未來升勢！

世事多磨，喺成就一件事之前，硬係會處於多事之秋，一浪一浪咁嚟，但只要嗰件要成就既事係紥實既，就只係阻擋或勒住佢前進，斷唔會一蹴而失足，急墮。

我指比特幣的升勢。

比特幣自高位63000回落，下跌至舊年既18000，就開始整固，偶見低於18000，但好快就上翻18000，舊年我在YouTube （片還在）已經不斷咁講18000係低位，的而且確市場喺18000不斷築構堅實既基礎，到舊年年底時，呢一「級」起好啦，就開始攀升。

我認為今次比特幣上升週期會又長又勁，因為你會留意到，今次每一級的上升，係環球金融體制對佢既「認受」，美國SEC 已承認它是「商品」，實貨ETF 呼之欲出，而香港Web 3.0 ，多少反映中國「局部」地對比特幣持開放態度，由此令今次比特幣的升勢有非常堅實既基礎。

今年，我已經不斷指出28000是比將幣另一個低位，即係上到呢級，又喺到整固，鋪實鋪靚d水泥，等佢乾透先再上！你又係會見個價偶有低於28000，但好快又歸位。

我覺得呢級已經「批盪」得好靚，做工好紥實！唔係咩？上半年加密貨幣交易所出現大災，比特幣都穩打穩扎，感覺就係市場三翻四次喺到試踩塌呢一級，見有少少鬆脫，就加強整固，令到呢級相當硬淨。

星期六俄國出現不穩定因子，我相信重有d暗湧，又嚟測試28000呢級的硬度，真係唔試唔知咁硬淨！

下半年，當所有金融體制對比特幣的認受形於實際，如實貨ETF ，國際金融機構積極參與其中，甚至政府也來撈一筆……

到時即使全球仍在「量縮」，資金也是會湧向比特幣度。資金個餅係細左，但比特幣食了更大的百份比。

頭兩級梯級，生手d，要多d時間起；上手了，往後既梯級，就會起得好快。