當下樓市的情況，像極廿多年前樓市低迷時既中期。

當下樓市的情況，像極廿多年前樓市低迷時既中期。

97-03年既樓市低迷期，基本上可分做三個階段：

首階段，樓價下跌，大家都唔相信樓市會持續下跌，只係短期調整，你試下呢個階段同人講樓市要冧，實比人鬧到豬頭：「咪儍啦，揸樓有得輸既咩！」於是仍有好多人接貨，樓價下滑緩慢。因為整個市場仍憧景樓市會升，發展商新盤開價仍高於二手價，物業投資者只係持觀望態度，始終物業有租收，仲可以睇定d，絕不輕易拋售。

同時間，經濟亦不太差，大家始終經歷左一段頗長日子的好環境，心態對大市仍然樂觀。

呢個階段，大家應該似曾相識，就係剛過去三年的樓市景象。

第二階段，大家終於意識到樓價不會升了，只會不斷向下尋底，而且愈發覺得租金回報抵不過按揭息口，基本上放租係蝕既，加上預期樓價下跌帶來的資本減值，即係雙輸；而呢個階段發展商並不急於散貨，不會太顯著將新盤定價低於二手物業價，怕驚動市場，寧願微調慢慢散貨。

呢段時期既經濟，晦暗不明，但衰退跡象開始浮現。

個人認為，當下正「開始」呢個階段，物業持有者開始拋售物業以減少投資損失；而發展商開賣新盤，亦靜悄悄減價意圖散貨。

第三個階段，發展商積累太多貨尾，已經等不了，要大幅劈價求售，務求一Q清貨；市場普遍認為持有物業只會拖累人生，物業已成為人人得而「拋售」既資產，無乜人咁上身。

經濟亦極不景氣，失業率攀升，市場氣氛極為悲觀。

現下樓市仍未走到這階段，但我認為早晚會到呢個地步；而廿多年前我正正就喺呢種悲觀市場氣氛下人棄我取，我亦唔知自己何來既勇氣，只覺得嗰時樓價已好賤，賤得我入手亦不覺有壓力，就為之！

有時我都會問自己，如果今回真係去到呢個階段，我會入手嗎？

唔…..我覺得我多左野諗。

至少，我會有d感觸，原來，不經不覺我已經歷了一個循環。