當下我對日本投資市道既認知

做了這麽多日本報導，我自己對日本經濟也認識深了，有以下既投資總結：

日本樓市：首先，用翻我上星期既樓市分析架構，日本樓市向好係因為佢既實質經濟力，並非貨幣因素，所以樓價會升，但唔會似我地香港過去十年樓價咁狂飈，氛圍係唔同既，會升得較有秩序，大家千其唔好將我地既過去誤套落日本，咁會預期落空。

另外，因為少子化和人口老化，並唔係日本任何地方都有得炒樓；日本好大，北海道更大，你喺北海道買樓嚟自住就ok，但藉物業投資賺資本增值就死得啦！咁多地同荒廢屋，邊有得炒！

所以，要投資，一定只可以東京同大阪（其他城市都唔好掂啦）；仲有，起碼要半新樓，無論外資或日本本地人只對新樓情有獨鍾，d四五十年樓齡既，買泥自住都要諗清楚，都唔知有幾多維修費要跟落去。

啫係，寧願買貴！莫買殘！

日本股市：隨著中國遊客都可以重臨日本，我極睇好日本既零售，所以我打後日子會重點研究五大商會同十大REITs ，而邊d企業有走出日本，向外拓展，更係我關注之核心。

當然，同AI 拉上關係既企業，我一定留意；但我覺得日本企業呢方面較「雜」，要硏究清楚先得，比d時間我。

日本匯市：因為日本政府要補貼科企改革，仲要印銀紙，所以，即使外來投資和遊客多了，對日元有需求，都未必可推升日元，日元還有一段日子在5算，起碼今年係。

以上就係我暫時對日本既認知。