環球資金走勢史無前例咁清晰！

都說過了，投資要看資金走勢，某地區資產受熱捧時，豬也會飛！而當下，是環球資金走向最清晰的時勢，有兩個原因：

第一個是地緣政治的衝突，七十年的和諧世界局面已完，處處也有紛爭，資金可以去的地方愈來愈少，真係焗住得幾個地方。譬如美資因中美角力白熱化而撤離內地與香港，去東南亞就只有新加坡，其他亞州地區大多是軍人政治，不夠文明，唔通去菲律實咩！而亞州區，則非去日本不可，台灣始終仍是多事之區，不宜大舉進入投資。由此，資金走向極為鮮明。

第二，更鮮明！畢竟十多年的量寛，真係印左好多錢，要收也收得不多；所以，當資金一湧去某處，如近日既美股，真係鮮明過鮮明，呢種「鮮明」，喺零八年金融海嘯前係無既，嗰時資金湧去某處不易被發覺，因為升幅無咁「樣」眼，好難捉摸。

咁亦解釋左點解美國SEC 要死死氣放行Bitcoin 現貨ETF（佢地真係好唔想），但華爾街班投資人鬧著要有，點解？因為佢地d錢都無地方去，無就亂使架啦，到時製造左美股泡沫同經濟嚴重通脹，咪怨！SEC 以大局為重，唯有死死氣允許Bitcoin 現貨ETF上市，為比特幣「正名」，以後機構投資者可以散D錢過crypto 啦！

所以，美國SEC其實已經非常谷鬼氣，你地市場仲想以太幣現貨ETF 都放行埋，你地就想！想得美呀！SEC 睬你都儍！你大戶咪繼續出口術話以太坊好快有現貨ETF嚟派貨咯，到時一句「以太坊作法抵觸證券條例」，就收晒散戶皮！

環球資金走勢如此清晰，千載一時，而且才剛剛起步，可真不要錯過！