為何當年有沙士價出現？(III)

廿年前沙士那一回，香港樓市能僥倖地從谷底復甦起嚟，係拜當時中國加入世貿，內地人愈嚟愈有錢，零四年開始自由行，帶動了整個香港廿年的繁榮；而樓市的升勢可分做兩個階段：零八年之前，樓價跟通脹升；零八年之後，樓價喪升，毫無依據，只知一發不可收拾。

正因為過去呢廿年既樓價上升，再一次重演自一九七八年起中國開放開革所引發既香港樓市週期，兩個週期加埋差不多五十年，足以令港人覺得樓市永遠不死！只會長期不斷升。

係嘛！？

今次，若樓價跌落谷底後，又能否再重振雄風？會否百尺竿頭，更進一步，再突破一八年既樓價高位？

第一波樓市大週期（1978-1997）係因為港人北上做生意，搵到錢，然後回港推動香港樓市；第二波樓市大週期（2004-2023），係由內地人來港買起成個樓市；我地唔可以否認，香港樓市同內地經濟有著不可分割既密切關係。

所以，今次香港樓市能否再由谷底鳳凰湼槃，浴火再生，好睇內地經濟。

凡物有週期，內地的經濟發展亦有週期，走了開放開革之路這麽多年，現在中國經濟似乎在拐彎，拐到那處不知道，但肯定的是，內地經濟正循開放改革既相反路徑走著，進行大回調，這回調不簡單，我相信要七年至十年才完成。

所以，我相信，今次香港樓市到谷底後（我估計出現在2024至2025年），還有幾年要橫行（約5年）。