為何當前內地經濟出現如此棘手既問題？

西方的貨幣制度，之所以能夠促進經濟繁榮，一言以蔽之，就係容許高槓桿借貸，你拎10元資產存入銀行，銀行跟住借夠50元出去，未生產就有錢，先來個產能需求既創造，再由呢個產能追補翻等值既商品，亦即凱恩斯學派所謂既「需求創造供應」。

呢種特性，係有異於無貨幣既以物換物經濟，後者因為以實物交換，若果你未生產出任何實物，根本就無可能要到人地既野，所以生產先於需求，「供應創造自身既需求(Supply creates its own demand)」，正正係古典經濟學既名言；亦正因為咁，要等大家生產完有價值既野先可以有需求，經濟增長就會受限於已有產能，經濟就難以高速起飛！

西方既貨幣制度，的而且確，能加促經濟增長。中國自上世紀八零年代開始進行開放改革，就逐漸採用呢種金融制度，於是，經濟拔足狂奔，高速增長。

但任何事物有優點亦必有缺點，西方的金融制度先透過銀行貸款來創造產能需求，問題就喺呢度，因為借款者係先同銀行借錢嚟攪生產，佢地生產時大有可能估錯消費者喜好，又可能自己好大喜功胡亂借錢亂攪大生產；最大鑊既係：生產者仲可以用未賣出既商品再來抵押借錢，借上借，再進一步擴大產能，結果產出一批一批極龐大無人要既垃圾。

所以，西方呢種金融制度，在上者的監管係非常重要，要時刻控馭社會各種的貪婪，要𥄫實銀行放款的態度，唔可以比佢地輕易高槓桿貸款出去。

美國經濟已喺零八年房貸次按中賴過一次野，以後識死了；但過去十多年，內地沒有吸收教訓，還變本加厲。

內房企業狂借錢起樓，起完未賣走又同銀行再抵押借錢嚟再起樓，借完又借，起完又高，最終造成了今日「內房超級過剩」的棘手問題。

再加上地方政府根本沒有扮演好監管角色，甚至跟埋一份借錢大事開發基建項目，你話喺咁樣既氣候下，又點會唔出狀況！

當下，中央正努力收拾這爛攤子，但稍一不慎或解決方案來得不及時，所引發既問題就會更大。

未來四個月，投資市場非常凶險。