為何日元匯價今天不升反跌？

有時，我的舊生看經濟，真看得夠純真，像少女般儍氣得很，今天日本央行取消負利率，亦即利率重回常態；打後不久日子，日元必升，而且波幅會極強勁，可以暴升，當然亦可以暴跌，是常態嘛！

然而，舊生會爛漫地問「但今天日元跌bor!」 

真小朋友！

就算升，都不是今天一取消負利率，日元就戲劇性急升起來，這取消方案已說了兩三個星期，要升也早升了！不過，故仔並唔係咁。

大家必先要明白，日本原先的負利率，係極不正常既現象，銀行想借錢出去，但日本經濟差，無人肯借錢做生意，放入中央銀行，政府又話倒過來要收罰息，左右做人難，最後銀行唯有借d錢比外國人做carry trade （而家唔駛咁架啦，咪咁老土仲講利差交益，好out 呀）；正因如此，早期負利率，日元也在七算左右，因為日元走唔出日本銀行體系，日元供應在外匯市場根本就無乜點增加。

近一兩年，日元跌到開心價5算多少少，正正因為日本經濟好轉，多左國內和國外人借錢喺日本做生意（同埋買樓），日元供應上升，日元才可以貶得咁深；而日本經濟愈嚟愈有苗頭（亦即日本官方所謂出現常態通脹），愈嚟愈多人同銀行借錢，咁銀行都唔想放錢喺央行啦，央行見已成趨勢，再負利率都無意思，就藉呢個機會正常化返利率，稍稍提升為正數水平（但不可以高過銀行放貸給公眾的回報率，否則銀行又走嚟中央銀行放錢），重回正常的經濟光景。

咁而家嗰勢頭係，國民都好肯同銀行借錢，銀行又大把水想借出去，咁咪繼續借咯；加上負利率取消，市場人仕普遍認為利息遲早升，而家趁低息再借多d，日元此刻供應就更多，所以，今日！日元要跌！

當銀行放貸放到某一日，貸無可貸啦，而日元需求卻因經濟愈發暢旺而更為強勁，我相信日元就要一下子爆升上5.8！

呢個日子，都唔會好耐，六月前都應該見到，我估。

但日央行絕對會質返佢落去！於是就開始貨幣政策既「質」之變化。