港股有翻天之日嗎？

其實，全世界股市已經進入畸型年代，作為一個賭場，極不公平！

如果一個賭場，贏輸不靠機率，莊家歡喜既，可出手決定最終開大定開細，雖然都有人贏，但長遠而言，無人敢去呢個賭場賭博彩，因為無彩可博。

不知那時開始，內地和香港的股市，就常仰望中央放水，甚麽降準、甚麽逆回購，天天在報章聽到，大家都在期待著；然後，十多年前金融海嘯爆發後，就連西方的股票市場，股民也期望政府最好天天量寬。最吊詭既係，大家而家反希望來個天下大亂，咁政府就會開水喉救市。

以前，環球出大事，股市冧；現在卻相反，會大升，問你服未！

咁點會健康！我係上市公司主席，我都唔用心經營盤生意啦，要生意好，花幾多心機㗎，更何況亦未必受市場青睞，倒不如仰望政府放水，股價就升了；加上同銀行借錢又易左，大借特借，根本就不知經營為何物，恆大就係表表者！

上市企業全不懂經營，教股民點分析股票，點做基本分析，d企業都唔係做生意既；於是，大家都齊齊盼政府放水或量寬，漸然成歪風。

內地的股市，欠缺動力、正正就是這個原因；現在連香港股票也是了，搏升值視乎中央政策，美股也好不到那裏，市場天天也期望聯儲局量寛減息。

幸好美股還有科技股在認真做實業生意，令我地仲有得揀下；但香港呢？真係唔知有乜股票需要硏究，等國策就得。

咁既賭場，你都會覺得賭得無癮，贏輸睇中央政策的變調，望天打卦，既唔fair，又無快感，就愈嚟愈少賭徒嚟幫襯。

所以，潮流已經唔興買股票，進入既資金自然少左，多少助長左別類投資如加密貨幣。

加上，港股呢個賭場，原本好國際化，客人來自世界各地；但近一年，大家都知，生意路線改變了，而家好似成為一個只招呼內地人和港人的國內賭場，咁塘水滾塘魚，點會熱鬧！

我對香港的經濟和樓市，不太悲觀，但港股日漸本土化，同外來資金好似絕緣咁，我就帶點悲情了。