港樓的另一個計時炸彈爆啦！
2023 年 10 月 18 日 | 千語德財
今日先有舊生咁樣問：
「SIR，想問下點解有啲人買樓會用財務公司借LOAN買，而唔係向銀行借？」
大家都知，可以同銀行做按揭貸款，梗係同銀行做，同財務公司借錢買樓，只可以當係bridge loans，暫時頂住！絕對唔係一個「長供久安」的方法。始終銀行可以較低利息接受廣大群眾的存款，資金的充裕令借出的資金穩定性較高；而財仔，有乜依郁，就call loans ，絕不留情，你同佢地借錢買樓真係好大壓力。
話口未完，今日已有報導某財務公司以物業跌價為由，要求業主補足差價，補唔到，就要接受10釐按揭利率……10釐！會供死人架 bor!
我相信，陸續有呢類財務公司call loans 出現，呢個絕對係樓市既計時炸彈，而家爆啦！
九七年樓市低潮嗰七年，後期都好多財仔call loans 。
同財仔借錢買樓，樓市升就無乜野，樓市跌，你就知味道！