沒有Google 我要走了

人生在世，當然無乜野係必須，因為命都賤到可有可無，咁仲有乜野係「必要」。

香港呢個城市，已經不斷失去，失去人才，失去跨國大企業，失去股樓升勢，失去原鄉之味，就連說好既60歲之後乘車優惠$2，我都有心理準備失去。

但係，如果香港呢個城市連Google 都無埋，無話唔得既，大大既地方依然存在，唔會塌；不過，我相信香港的面貌，會加促蒼老。

你構想一下，有一日無Google 既相關服務會點？大佬，Google 唔係淨係愛嚟搜尋，佢提供既服務已經深入滲透各生活同商業層面，我係用Google meet 免費上網課，無左Google meet 咁點算? 商業世界亦經常用Google meet 做視象會議，無左就一定要重新安排工作步調，甚至安排步出香港……..

仲有我寫programs，好多外掛程式同個Chrome 有關，包括埋d crypto wallets ，無左都極不方便，當然唔駛死，我明！

呢個城市已經夠「迷」囉，無Google Map，我又點走返出嚟？永遠迷在這城市。

香港要行Web 3.0，但呢個城市如果居然無Google ，我覺得好奇妙！

無Google， Android 機點行呀？

Google 既各種服務，互相牽連，真係好難切割某一part 唔要，某一part 可留低。

香港政府想搶人才，想搶外來投資，但行政既每一個舉措，都令人唔敢落注喺香港，教人務必要一身輕裝，隨時可以孤身上路，在他方重覓新方向，唉…..

唉……都真要預遲d無Google ，我都係加速部署digital nomad，甚至可能……移居。

無話無Google 唔得，命都可以唔要，Google 算係乜！但我一日在世，我需要Google!