比特幣實貨ETF 批準上市後我的投資取向

比特幣實貨ETF 終於批了，「感覺」上，市場情緒頗穩定，我估比特幣價格可能要牛皮一段不短時間。

而事實上，比特幣由26000左右升到當下45000，幾近一倍，已反映了其實貨ETF上市的價值，個人認為再上升幅度不大，跌亦不會過狠，波幅大概有一成左右。

加密貨幣而言，一成升幅不算得甚麽，計埋入金出金同個別交易所mark up 左既spread，基本上無乜肉食；比特幣呢隻加密貨幣雖未去到好似美國蘋果股票咁成熟，但真已過青年階段，再爆升要等美國量寬，我係咁諗。

所以，我反而會留意其他有實力既真去中心化項目。

有部份市場人仕開始期待會有以太幣既實貨ETF，但我不認為美國SEC 會這樣做，以太坊過於中心化，其挖礦方法PoS多少又跟證券條例有衝突，加上其錬上項目良莠不齊，又成日左升級右升級，擴容層面的技術相當複雜，SEC要充份理解以太坊，不是一朝一夕。

所以，我認為美國SEC 首肯了比特幣實貨ETF 後，算是滿足了市場需要，未來三年不會再輕易批準其他幣種的實貨ETF。

而且三年，我更深信足夠令以太坊沒落，代之而起是比特系相關的加密貨幣，Stacks快升級，作法和傳輸效能提升了，而且其錬上項目ALEX，硏發多時，開始有些眉目;前者是中童，後者似開始入讀小學，極具爆發潛力，特別STX 一旦踏入發育期，應該好快高過鄰居嗰仔ETH。

所以，我沒多大興趣入手比特幣，反而首季想儲多d STX 和ALEX，睇吓年尾有無驚喜。