比特幣不會瘋升

比特幣正進行一個小型的升浪，於是，又是市場的老調子，突然又出現很多會「大升」的報導；個人認為，要大升的客觀條件還未成形！有排都未到！

首先，今朝我先睇到d外國財經名人，話若美國五月減息，比特幣就會急升到唔知幾多萬，美國有無可能係而家滯脹咁嚴重下減息呀！？小型銀行擠題問題已經在控制範圍內，美國仍可繼續專心壓滯脹，最多咪加少d，無理由減息，亂噏！

美國有必要加息壓滯脹，除左關注市民的日常生活成本外；更重要，滯脹令金價升，對美元霸權構成壓力，必須要加息強壓之，唔可以比黃金價格升上2300一安士，升到呢個價位，華爾街d金融大鱷開始好擔心啦，因為佢地幾十年嚟都沽空黃金嚟成就美元霸權，黃金價格若升上3000元，美國最大銀行摩根大通都要出事！因為佢沽空黃金沽得最狠！

各國央行近幾月紛紛入手黃金，令金價蠢蠢欲動，似要突破華爾街金融大鱷的沽空力，真係一爆上嚟唔得掂，美國勢必定要加息！

另一個令比特幣升既最無聊原因就係佢其生產量又再減半，大佬呀～～呢d晨早已知既事實，一早price in 左啦，經濟學叫呢個過程做「資本化capitalisation」，未來已知的事早早就反映左喺比特幣當下價格度，唔會因呢個原因升架！真係讀過高考Econ 的學生都曉！你可能會講但market 未必高效反映出嚟！但我真唔信2008年 day 1 已知的總供應量，而家仲未消化完！呢個乜野消化系統呀，反芻都唔駛咁耐啦！

個人認為，今次比特幣價格最多升到36000，跟住就回調，老實講，你揸比特幣係長線既，等佢升到十幾萬一粒，而家呢d小升浪，你都無乜興𡚒。

比心機工作，搵多d！慳多d錢，等佢跌落泥再執多d平貨。美國政府手上好多比特幣，據聞想在市場拋售…. 

正呀！come on Baby!