殘而又廢既的士牌照價格

有一種資產，喺過去八年，只跌不升，我相信佢會永不超生，喺香港已係絕對過時既投資選擇。

記得二十年前SARS 時，我去睇嗰新樓盤示範單位，睇完搭lift ，後面位老人家自言自語咁講：二百萬一個兩房，買佢定比多二三十萬買個的士牌呢？

嗰個年代，的士牌照的價錢重貴過一個四百幾呎實用面積既兩房單位。

但時移世易，今日呢d兩房單位仲要600萬，而的士牌照只剩400萬鬆d，只夠買個一房。

由2015年的高峯期720萬左右，的士牌照每年跌下跌下，唔覺唔覺已經跌左差不多四成五，真陰公！

如果你拎720萬喺2015年開始投資Bitcoin ，應該可以先後經歷兩次Bitcoin 高峯期，如果有運，財富可以增值到成億！

的士牌價跌既主要原因都唔駛點分析，一來香港既地鐵網絡日趨完善，二來又Uber 又叫車Apps ，愈嚟愈多替代品 ，大家都唔駛點搭的士，的士牌照自然無得炒，就算政府比的士加價都炒唔起d的士牌，嚟緊呢三年，跌穿三百萬都唔稀奇。

咁你可能問，跌到咁殘，可投資嘛？

大佬，唔係殘就可以入手，喺環球大跌市下，乜野資產都跌到價殘啦，咁點揀？我地要揀d殘而不廢的資產，譬如喺我心目中，當下有三種資產係殘而不廢既：比特幣、日元同STX ，其他資產就未殘盡。

只有的士牌照，是殘而又極廢！同黃金有得揮！